http://www.youtube.com/watch?v=XmchWo5Fu7U

احنا اسفين يا ريس !!!!!!!!!!!!!!

لذا اقول له احنا اسفين يا ريس ................

احنا آسفين يا ريس علشان معرفناش نخلعك إلا بعد 30 سنة ، احنا آسفين يا ريس علشان معرفناش نحافظ على أموالنا اللي نهبتها على مدار 30 سنة ، احنا آسفين يا ريس علشان محفظناش على كرامتنا اللي دوست عليها بأحذية عساكر ومخبرين الداخلية ، احنا آسفين يا ريس علشان كنا بنمشي مرعوبين في الشارع من أتفه شخص في الدنيا (المخبر) ، إحنا آسفين يا ريس علشان مكناش آمنين على حياتنا أو حياة أسرنا من بطش نظامك البوليسي ، إحنا آسفين يا ريس علشان مكناش نقدر نتوظف ونعمل بكفاءتنا ومجهودنا وكان لازم نجيب واسطة ، إحنا آسفين يا ريس علشان سيبنا حقنا تاخده الحرامية اللي هم أهلك واصحابك والموالين ليك ، احنا اسفين يا ريس علشان كنا نشوف التزوير بعينينا ومحدش كان قادر يفتح بقه ، إحنا آسفين يا ريس علشان على مدار أكثر من 30 سنة واحنا بندفع رشاوي علشان ناخد حقوقنا ، احنا اسفين يا ريس علشان الميه يا دوب بتوصل للدور الثاني ن احنا اسفين يا ريس علشان كان أيامك الحصول على أنبوبة بوتاجاز من قبيل المعجزات ، احنا اسفين يا ريس علشان غازنا بيروح اسرائيل بتراب الفلوس ، احنا اسفين يار يس علشان أهلنا كانوا بيعلمونا الجبن اللي اتعلموه منك ، احنا اسفين يا ريس علشان على ايديك عشقنا الطوابير ، احنا اسفين يا ريس علشان أصبحت نسبة الأمية في مصر بلدنا 45% في القرن 21 ، احنا أسفين يا ريس علشان في عصرك عدد المغتربين خارج مصر تعدى 10 ملايين على الأقل ، احنا اسفين يا ريس علشان معظم القرى والمدن الصغيرة مفيهاش صرف صحي ن احنا اسفين يا ريس علشان الضرائب العقارية حجزت على بيوتنا ، احنا اسفين يالا ريس علشان دخول كلية الشرطة والجيش بقت بالواسطة والرشاوي ، احنا اسفين يا ريس علشان معندناش طريق يمكن تصنيفه بطريق درجة أولى على مستوى الجمهورية طبقا للتصنيف الدولي للطرق ، احنا اسفين يا ريس علشان معندناش جامعة داخل تصنيف ال 1000 جامعة الأولى على مستوى العالم ، احنا اسفين يا ريس لما كنا نصدقك انت وحكومتك لما كنتو تقولوا ان السكة الحديد بتخسر واحنا كنا علشان نروح القاهرة من قنا نحجز قبلها بت 15 يوم ، احنا اسفين يا ريس لما كنت انت وحكومتك بتقول ان المترو بيخسر وهو بينقل أكثر من 20 ضعف طاقته الاستيعابية ، احنا اسفين يا ريس علشان الطبقة الوسطى معادتش موجودة و40 مليون مصري تحت خط الفقر بعيشوا بأقل من 2 دولار في اليوم ، احنا اسفين يا ريس علشان الكنايس اللي كانت بتتفجر من صنع اصحابك العادلي وزبانيته ، احنا اسفين يا ريس علشان عدد المسجونين السياسيين في عهدك بلغ عشرات الآلاف ، احنا اسفين يا ريس علشان اصبحنا بنعلم على حسابنا وندفع دم قلبنا علشان نتعلم تعليم عالي أو دراسات عليا وأصحاب الواسطة ياخدوا فلوس ومنح للخارج وهما ميستهلوش غير الضرب على قفاهم ، احنا اسفين يا ريس على محافظات الصعيد والوجه البحري برضه كأنها عايشة في القرون الوسطى ، احنا اسفين يا ريس والضابط في مراكز الصعيد كأنه مبعوث العناية الالهية والحاكم بأمره ، احنا اسفين يا ريس علشان كل الانتخابات في مصر بالتوزير بدءا من اتحادات الطلاب مرورا بالمجالس المحلية والنيابية إلى تمديد فترات حكم سيادتكم ، احنا اسفين يا ريس وثروات مصر المنهوبة في عهدك وصلت أكثر من 3 تريليونات دولار ، احنا ىسفين يا ريس وزعلنا لما عرفنا ان نصيب الفرد في مصر من ثروتك انت لوحدك تقدر بأكثر من 50 ألف جنيه يعني أنا اسرتي مكونة من 4 أفراد لينا في رقبتك انت لوحدك 200 الف جنيه غير نصيبنا من بقية المال المنهوب ......

وبعدين انا تعبت من الأسف .......... يمكن اخد نفسي وأكمل اسفي !!!!!!!!!!!!!

حسبي الله ونعم الوكيل

مبروك لمصر

مبروك لمصر ..

مبروك لمصر

قم وأرحل

قم و غادر يامبارك إن لفني في إنتظارك
ساعة الصفر إستدارت لن ينجيك اعتذارك
لاتقل ماكنت ادري قالها من قبل جارك
كنت تدري كل جور مشهرا فينا قفارك
كنت تدري ان فينا جائعا يرجو ثمارك
كنت تدري ان فينا ظامئا يرجو جرارك
كنت تدري ان فينا عاطلا يرجو قرارك
كنت تدري ان فينا هاربا من حر نارك
كنت تدري ان فينا حرة تشكو انتهارك
كنت تدري في سجون ما يؤديه صغارك
كنت تدري ولتموتوا كان بالأمس شعارك
كنت تدري ان هذا من مؤداه انهيارك ْ
قد سَلبْتَ النَّومَ مِنَّا = وا تَجرَّعْنا مَرارَكْ
قَد قَتلتَ العزَّ فينا = مُطلِقا ًفينا عِيارَكْ
ُربْعَ قرن ما انتَصَرنا = ماضِيا ًفينا انْتِصارَكْ
إن نَسينا..كيف َنَنْسىْ = حين أسْلمتَ جِوارَكْ ؟
لَم تُراعي الله َفيهم = ضارِبا ًفيهِمْ جِدارَكْ
جُرْحُهُمْ ما زالَ فينا = نَحنُ مَنْ عِشنا حِصارَكْ
قد فَرَرْنا الأرضَ بَحثا = لم نَرى عارا ًكَعاركْ
لَو بَذلتَ النيلَ دَمَّا = ضِعْفه ُلَنْ يمْحُ عارَكْ
فَلتُقمْ هيَّا وغادِر = وارتديْ الآنَ خِمارَكْ
لست تَدْريْ كَمْ فَرِحنا = يَومَ أحسَسْنا احتضارَكْ
كَمْ حَمَدْنا الله أنَّا = قَدْ شَهِدْناه اندِحارَكْ
باسْم رَبِّ الناس أِقسِم = ساعَة ُالسَّعد فِراركْ
يوم إعْلان ِانتحارَكْ = عيدُنا الأضحى المُبارَكْ

تحيا ثورة الحرية