لا تسقني ماء الحياة بذلة
بل فاسقني بالعزة كأس الحنظل
ماء الحياة بذلة كجهنم
وجهنم بالعزة أعظم منزل

الأربعاء، مارس 14، 2012

فى خوازيق وزنب وصدمات كتير أوى أخدناها من أول الثورة دى لكن أكبر خازوق وصدمة أخدناهم وأخدتهم البلد كلها كان خازوق وصدمة "الجيش" لا مش حكاية إن جيشنا أضعف من فرق الكشافة ولا أنه ما يقدرش يصمد فى مواجهة مسلحة مع جيش جزر القمر -ده لو عندهم جيش أصلا- وإن الفساد والترهل فيه أكتر من اللى فى مصر كليها مليون مرة (ياريت بس الأمامير بتوع وحيد بابا وماما وقيد العائلة والغعفاء الطبى والأمنى وتأجيل 3 سنين يركنوا على جنب دلوقتى علشان مش وقتهم ومش طالباهم, وبرده ياريت الكتاكيت بتوع "طلائع النصر" و "الطريق إلى إيلات" وخير أجناد الأرض برده يركنوا على جنب دلوقتى علشان برده مش وقتهم ومش طالباهم خالص) الخازوق والصدمة كان فى موقف الجيش المعادى للثورة وأشتراكه فى قتل وسحل وتعرية الثوار بشكل أبشع من اللى عملته الشرطة فى بدايات الثورة الجيش اللى قاعدين بقالنا أكتر من 40 سنة بنصرف عليه من قوتنا مرتبات ومنح وحوافز ومصايف وفنادق وإمتيازات وجيه فى الآخر يقتلنا فى الشوارع ويعرى بناتنا وينتهك أعراضهم فى السجون الحربية.........ده أحنا لو كنا بنربى كلب كان زمانه طمر فيه الجيش اللى لما نزل فى بداية الثورة ولقى القوة مع الشارع والميدان والشعب إنحاز ليهم وقال مش حضرب نار ولما الليلة أنفضت والثوار بقوا أقلية وتخلى الشعب عنهم والمجلس العسكرى بقى هو اللى أقوى قال حضرب وأقتل وأسحل وأسجن ياريت بس ماحدش يقول إزاى بتقول كده ومش عارف أيه, ياريت تفتكروا الكلام ده بس:  ttps://www.facebook.com/photo.php?fbid=2766906645832&set=a.1532632589752.70191.1052908980&type=3