هاحكيله حكايته من طقطق لسلامو عليكو صلوا على اللي هايشفع فيكو
قصة طالب من الشرقيه
بعد سقوطه في الثانوية
بجدارة بثلاثين في الميه
يعمل إيه؟
يغرق يعني ف شبرين ميه؟
طبعا لأ
راح للشيخ جاد الحق
راسه لتحت وسبحة ف إيده
يترجاه ويبوٌس إيده
وحياة الجيرة يامولانا
وحياة قلبي وأفراحه
ماترد الفرحان بنجاحه
قاللو يابني إن جيت للحق
واحد فاشل ساقط زيك
شكله طور الله ف برسيمه
جاي بيغني لخيبة قوية
وكمان صحة وجتة عفية
ماهينفع غير ف الحربية
الطبية والرياضية كشوف شكلية
وكشف الهيئة تسيبه عليه
وبعد قبوله في الحربية
حول دوغري على الجوية
واتخًرج طيار بالزق
تنه يطاطي ويعلى ويعلى
مالقوش غيره يمسك قائد
واهي برضه الأعمال بالنية
............
وف مرة جه
قال أنا نفسي ف نايب
اتفرغ له من ارتباطاتي
وديمقراطي بس يطاطي
يعني خلاصته واحد واطي
حشش مخمخ دعبس فتش
حادي بادي ياشعب زبادي
ياللي انا واخدك تحت باطاطي
........ بس لقيتها
ينفع ؟
واحد برضك من ظباطي
ولا يدوسني؟
قالت جيجي ينفع طبعا
شايب عايب خايب
نعم النايب
ومنوفي من لحم كتوفي
خد نفسين قال ياكسوفي
طيب والجيش وولادي؟
مخمخ تاني .....
..... برضه لقيتها
يمسك هو الجيش وينادي
افتح دار اعمللك نادي
وانقل سينا جنوب الوادي
واعمل مصيف عالضفة دي
هات المزز الروس لبلادي
سرح عسكر م الناحية دي
واما المزة تهز الهزة
تخلع خيمة م الأوتاد
فرفش نعنش هبًل حبًل
يقدر ظابط بعد النوبة
ييجي يعسكر في الحتة دي
لو يعملها الخاين
هاتلو النونو يقوله يادادي
وبكده يبقى الجيش اسًرح
ويسبسب شعره ويسًرح
جوه النادي يغني ويهتف
بلادي بلادي بلادي
من دلوقتي هاعبي زبادي
............
والباقي طبعا عارفينو
وعلى كرسي الريس سايبينو
قالوا سيبوه عالكرسي يومين
نستحمله بالطول والعرض
بكره الشعب يطلًع دينو
وبدل النايب أصبح ريس
ونايبهم صفصف على شونة
واهو تبًت يومها في الكرسي
ورستق نفسه ودق اسفينو
قاموا الخونة ضد الخونة
وراحوا خونة كانوا كاشفينو
وجولنا الخونة ومنافقينو
حلفوا وقالوا موش كاسفينو
دول هادفين مصر وهادفينو
هتفوا وقالوا الاستقرار
واحنا بنمشي مع التيار
............
جمع المجلس شعب وشورى
بسم الله الواحد
بسم الإبن بتاع الأب الروح؟
قوصره ثلاثة ف واحد
جابني عشان أمسكله البيبة
طول عمره مؤمن بزبيبة
وانا محسوبكم عبد الواحد
مؤمن بس بحزبي الواحد
تطلع واحدة يطلع واحد
يفتي ويعكنن عالواحد
ويشكك في الرأي الواحد
المركب ليها ريس واحد
ولذلك قررت الآتي
وانا راجع من عند الحاتي
...........
بعد قرايتي للدستور
تُلغى حالة الاستنفار
يُستدعى جميع الأنفار
ونخلي الطابق مستور
الصهيوني جوه عيوني
والقط يسلم عالفار
والجبنة محتاجة خيار
وخيارنا كلكو عارفينو
من دلوقتي بقى استراتيجي
وعليه تبقى الأتة خيار
والبلدي يتحول فينو
............
وادي الختم وده الإمضاء
حضرات السادة الأعضاء
لما نحارب في فلسطين
مين يتغطى بالبطاطين؟
ما تغور الحرب وأوزارها
والأيوبي اللي اسمه صلاح
سيبكم يعني من حطين
إيه يعني القدس محررها
طب ماسيادتك أنور زارها
بكره هاترجع نستنظرها
الحكمة بتقول نتأنى
مش سلبية ولا استهتار
ليه نستعجل حرب وتار؟
مانخلينا جو الدار
ليه هانقلل م المقدار
والصهيوني إن لف ودار
برضك شعب الله المختار
بعد عداوة يلاقي محبة
العملية اصلها مش حابة
نعمل قبة من غير حبة
ونألف حبة شعارات
ونبًطل شغل ونظًاهر
فينُه يا بيبرس ليه مش ظاهر
وعزة بهزة تحرر غزة
والكراهية لازم تتغذى
ونطالب قال إيه بالتار
بيعاملوني كأني تتار
والاسلام ياخدوه بالظاهر
الأسفار مش ناقصة حمار
وانا مش ناقص شغل مظاهر
.............
وختاما أعضاء المجلس
عهد عليا قبل أما اجلس
أوعدكم أن أحمي فسادا
مهمن زاد واستشرى وسادا
ومهمن شعبي يلاقي كسادا
طول ما نصيبي تحت وسادة
يحميكم من عين حَسًادة
وسلاما حضرات السادة
قصة طالب من الشرقيه
بعد سقوطه في الثانوية
بجدارة بثلاثين في الميه
يعمل إيه؟
يغرق يعني ف شبرين ميه؟
طبعا لأ
راح للشيخ جاد الحق
راسه لتحت وسبحة ف إيده
يترجاه ويبوٌس إيده
وحياة الجيرة يامولانا
وحياة قلبي وأفراحه
ماترد الفرحان بنجاحه
قاللو يابني إن جيت للحق
واحد فاشل ساقط زيك
شكله طور الله ف برسيمه
جاي بيغني لخيبة قوية
وكمان صحة وجتة عفية
ماهينفع غير ف الحربية
الطبية والرياضية كشوف شكلية
وكشف الهيئة تسيبه عليه
وبعد قبوله في الحربية
حول دوغري على الجوية
واتخًرج طيار بالزق
تنه يطاطي ويعلى ويعلى
مالقوش غيره يمسك قائد
واهي برضه الأعمال بالنية
............
وف مرة جه
قال أنا نفسي ف نايب
اتفرغ له من ارتباطاتي
وديمقراطي بس يطاطي
يعني خلاصته واحد واطي
حشش مخمخ دعبس فتش
حادي بادي ياشعب زبادي
ياللي انا واخدك تحت باطاطي
........ بس لقيتها
ينفع ؟
واحد برضك من ظباطي
ولا يدوسني؟
قالت جيجي ينفع طبعا
شايب عايب خايب
نعم النايب
ومنوفي من لحم كتوفي
خد نفسين قال ياكسوفي
طيب والجيش وولادي؟
مخمخ تاني .....
..... برضه لقيتها
يمسك هو الجيش وينادي
افتح دار اعمللك نادي
وانقل سينا جنوب الوادي
واعمل مصيف عالضفة دي
هات المزز الروس لبلادي
سرح عسكر م الناحية دي
واما المزة تهز الهزة
تخلع خيمة م الأوتاد
فرفش نعنش هبًل حبًل
يقدر ظابط بعد النوبة
ييجي يعسكر في الحتة دي
لو يعملها الخاين
هاتلو النونو يقوله يادادي
وبكده يبقى الجيش اسًرح
ويسبسب شعره ويسًرح
جوه النادي يغني ويهتف
بلادي بلادي بلادي
من دلوقتي هاعبي زبادي
............
والباقي طبعا عارفينو
وعلى كرسي الريس سايبينو
قالوا سيبوه عالكرسي يومين
نستحمله بالطول والعرض
بكره الشعب يطلًع دينو
وبدل النايب أصبح ريس
ونايبهم صفصف على شونة
واهو تبًت يومها في الكرسي
ورستق نفسه ودق اسفينو
قاموا الخونة ضد الخونة
وراحوا خونة كانوا كاشفينو
وجولنا الخونة ومنافقينو
حلفوا وقالوا موش كاسفينو
دول هادفين مصر وهادفينو
هتفوا وقالوا الاستقرار
واحنا بنمشي مع التيار
............
جمع المجلس شعب وشورى
بسم الله الواحد
بسم الإبن بتاع الأب الروح؟
قوصره ثلاثة ف واحد
جابني عشان أمسكله البيبة
طول عمره مؤمن بزبيبة
وانا محسوبكم عبد الواحد
مؤمن بس بحزبي الواحد
تطلع واحدة يطلع واحد
يفتي ويعكنن عالواحد
ويشكك في الرأي الواحد
المركب ليها ريس واحد
ولذلك قررت الآتي
وانا راجع من عند الحاتي
...........
بعد قرايتي للدستور
تُلغى حالة الاستنفار
يُستدعى جميع الأنفار
ونخلي الطابق مستور
الصهيوني جوه عيوني
والقط يسلم عالفار
والجبنة محتاجة خيار
وخيارنا كلكو عارفينو
من دلوقتي بقى استراتيجي
وعليه تبقى الأتة خيار
والبلدي يتحول فينو
............
وادي الختم وده الإمضاء
حضرات السادة الأعضاء
لما نحارب في فلسطين
مين يتغطى بالبطاطين؟
ما تغور الحرب وأوزارها
والأيوبي اللي اسمه صلاح
سيبكم يعني من حطين
إيه يعني القدس محررها
طب ماسيادتك أنور زارها
بكره هاترجع نستنظرها
الحكمة بتقول نتأنى
مش سلبية ولا استهتار
ليه نستعجل حرب وتار؟
مانخلينا جو الدار
ليه هانقلل م المقدار
والصهيوني إن لف ودار
برضك شعب الله المختار
بعد عداوة يلاقي محبة
العملية اصلها مش حابة
نعمل قبة من غير حبة
ونألف حبة شعارات
ونبًطل شغل ونظًاهر
فينُه يا بيبرس ليه مش ظاهر
وعزة بهزة تحرر غزة
والكراهية لازم تتغذى
ونطالب قال إيه بالتار
بيعاملوني كأني تتار
والاسلام ياخدوه بالظاهر
الأسفار مش ناقصة حمار
وانا مش ناقص شغل مظاهر
.............
وختاما أعضاء المجلس
عهد عليا قبل أما اجلس
أوعدكم أن أحمي فسادا
مهمن زاد واستشرى وسادا
ومهمن شعبي يلاقي كسادا
طول ما نصيبي تحت وسادة
يحميكم من عين حَسًادة
وسلاما حضرات السادة
ليست هناك تعليقات:
إرسال تعليق