ابوكريم: بأمارة اية فية تغيير

الجمعة، ديسمبر 02، 2011

بأمارة اية فية تغيير

بأمارة اية فية تغيير

جمعة شرفاء الجيش مع الثوار لاسقاط المشير وبقايا النظام

لما المشير يبقي الكبير.........لما عنان يبقي الأمير............لما الجنزورى يبقي الوزير...........

بأمارة اية فية تغيير
لما الشيطان يبقي الضمير.....لما الفلول ترجع تدير.............لما الفقير يفضل فقير............
بأمارة اية فية تغيير

لما الكبار ياخدوا الفلوس........لما البوليس يرجع يدوس........لما عكاشة يرجع يبوس.........
بأمارة اية فية تغيير

لما المحامي يبقي ديب.........لما القانون يفضل بغيب..........لما الجروح ترفض تطيب..........
بأمارة اية فية تغيير

لما الطريق يبقى ضباب.........لما الأمل يبقى سراب..........لما الحمل تكله الذئاب...........
بأمارة اية فية تغيير

لما الكنايس تتحرق...............لما كلامى يتخنق.......لما الأمانى تتسرق...............
بأمارة اية فية تغيير

لما الفتن تبدأ تشيع.............لما السفييه يرجع يذيع...........وإحنا وراه زى القطيع.............
بأمارة اية فية تغيير

لما القانون يبقى كفيف.........لما الشيطان يبقى حليف......لما جمال يبقى شريف..........

بأمارة اية فية تغيير

هناك 3 تعليقات:

الميكروباص يقول...: أخيرا نزلت موضوع
أنت عارف انا من سنه كامله احاول الوصول إليك لكنك لا تكتب شيئا ولا أدري ما السبب
وعلى الرغم من اننا تقريبا مختلفين في بعض الامور (وهذا واضح من الموضوع) وانا شخصيا بدأ الناس يجروا مني ووصل الامر لدرجه "النفور" لكن هذا لا يمنع اني كنت انتظرك انت تحديدا من أجل ان تكتب وتتكلم لأني ملاحظ انك قليل الكلام جدا جدا
لعلمك
انا مبسوط جدا انك نزلت موضوع لأني انتظرتك لشهور طويله!; 2 ديسمبر 2011 في 2:33 م
الميكروباص يقول...: ممكن تقول عليا اني مجنون او دماغي طقه
بس ده مايمنعش اني مبسوط جدا لما وجدت لك الجديد
وفوجئت بأن أبو كريم نزل موضوع وظهر عندي في أول الصف بعد طول انتظار; 2 ديسمبر 2011 في 2:36 م
ابوكريم يقول...: hi; 22 يوليو 2013 في 3:49 م